Шэнэ жэлээр! Хуу барни hайн байгты, энхэ элуур, бэшээр яашхамнайб даа. Тиимас?

Дед Морозой бабушка хаана байдаг юм? Дед мороз хугшэн аба гээшэ Снегурочка аша зээ гэжэ ойлгуулхадамни, басагамни Дед Морозой бабушка хаанаб гэжэ асуугаа... Ухэшоо гэхэншье тиимэ, гэртээ гэбэл, тэрэтнай бухы гэр байрыень, уг удамыень зохеохо болоноб, холы-ы юайдаг гэжэ хэлээд лэ ондоо тээшэнь зугаагаа болгооб

Номин багшада булта хараалганахабди даа. Ханадаа сообщени бэшээт, довольна юундэ hуунат гуулээб? Ганса энэ нюур нээгээд бэшэхэт гэхэдэнь,хилэ гатална аа губ гэжэ ехэ тэбшэжэ байнаб.Удэр hайн унгэржэ байна, Буряадай арадай артистка Цыпилма Аюшиева тухай "Хугжэмэй долгиндо" дамжуулга бэлдээб. Муноодэр агаарай долгиноор гараа. Элдэб фотозурагуудые, рекламануудые хаража байнхаар, нэгэтэ улаан нюур нюураараа харалсажа, харилсахада долоон дээрэ. Хунэй сэдьхэлэй мэдэрэл эли гаража ерэнэ, илангаяа зохеохы ажалтай зоной. Жэшээлбэл, Цыпилма Аюшиеватай болоhон уулзалга мун лэ.

Эртэ углоонhоо зосоомни, сэдьхэлдэмни ехэ муу байна.Томо автобуста "2"-кда" hуугаад ерээб ажалдаа, Соведуудэй талмай дээрэ олон хун бууха болообди, нэгэ 50 наhаяа гараhан эхэнэр, шарайгаараа ородшье бэшэ, буряадшье бэшэ, гаража ябатараа дайраа юм гу, али яагааб, минии тухайлхада ээлтэй юумэн болоо бэшэл даа, харин дайруулhан манай буряад басаган залуу гушаадтай, аргагуй ехээр сухалдажа тэрэ hамганда:"вышла отсюда сучка такая" гэжэ хэлэбэ гээшэл. Шангаар гээшэнь, бухы автобус соо байhан зон сошоошье, бахардаашье бэзэ. Турсэлдэн гараад харан гэхэдэм, тэрэ hамган буугаад уйлажа байгаа.Хул муутай, дохолhон эхэнэр борсогорхон заахан суумхэеэ тэбэринхэй, нэгэ майонезэй пластмасс банк гартаа баринхай нулимсаяа аршан саашалаа. автобус руу харахадам, тэрэ залуу гое гэгшээр хубсаланхай залуу басаган тэрэ hамганай hуурида hуунхай, сонхо руу харанхай ябаа. Ай, бурхан, хамар доро аман байна гээшэмнай энэл даа. Тэрэ басаганда эжы, эгэшэ баhал байгаа ёhотой.

Цырен-Дулма Дондогой, Буряадай арадай поэт Нарhатын эрьедэ тоонтомни булаатай - Нарата юртэмсэдэ хаанашье ябахадаа, Эльгэ зурхэнэймни hудаhан бухэндэ Энээн тухай мэдэрэлни лугшадаг. Нютагаймни шэмэг - минии шэмэг, Нютагаархидаймни баяр - минии баяр. Зоноймни ядарал - минии ядарал, Зоболондо дайруулаа hаа, зурхэмни будэрхэ. Энхэрэлши, Ярууна хатан эжымни! Эрье дээрэшни убдэглэн hэхэрнэб, Асарhан бэлэгни шамарламаар жаахан: Альганай шэнээхэнууд арбаад ном. Yлгымни болоhон Эгэтын тала! Yбдэглэн баhал урдашни hэхэрнэм. Дэгнуул болдогооршни дэрэ хэжэ, Дэлюун дээрэшни хэбтэд гэхэм. Аянда дахин мордохынгоо урдахана Амаржа, эрхэлжэ, гунигаа тараахам. Дуроогоо бухэлоод, уламаа шангадхаад, Дурбэн зугэй hалхинтай урилдахам. Буурал баабайнар, хатан эжынэр Бухиндажа ябаhан ябадал бэшэ, Нара буляалдаанай аймшагтай тэмсэлдэ Наhанайнгаа дууhатар ана-мана туршахам! Энэ тэмсэлдэ шуумайжа ороходоо, Эдлэхэ зооришье олохо бэшэб, Сэлмэг тэнгэри, сэнхир агаар - Сэнгынь юм даа, тэрээхэн тэмсэлэйм. "...Yлгымни болоhон Эгэтын тала! Yбдэглэн баhал урдашни hэхэрнэм. Дэгнуул болдогооршни дэрэ хэжэ, Дэлюун дээрэшни хэбтэд гэхэм. Аянда дахин мордохынгоо урдахана Амаржа, эрхэлжэ, гунигаа тараахам. Дуроогоо бухэлоод, уламаа шангадхаад, Дурбэн зугэй hалхинтай урилдахам..." энэ шулэгэй мурнууд "Уянгын сэсэрлигтэ" Яруунын болон Хориин аймагуудай хоорондохи хилэ дээрэ байгуулагдаhан узэсхэлэнтэ hайхан газарта Ц-Д.Дондогойдо зорюулагдаhан хушоо шулуун дээрэ бэшээтэй байдаг. Намжаа нажарайhайхан сагта "Уянгын сэсэрлиг" хурэхэл гэжэ оролдооройт

Сугтаа hураhан нухэрнай Лхамадиева Цымжидма Аюшиевна муноо холын хойто зугтэ ошонхой байна. Сургут тээшэ... дуу хубуумнай Алданда, Россин карта ехэ hайнаар мэдэдэг боложо байнабди.Таймыр, Магадан, Чукотка гээд лэ Халуун амар мэндэ бултанда, нютагай зондо, турэлхидтэ...

Долгор Найдановна Энебишиевна углоодэр манай радио ерэжэ, шулэгуудээ уншаха, намтараа хоорэхэ байна. Нэн лэ туруун Энебишиевна гэжэ нэрын уг удхыень асууха хусэлтэйб, таанад юу асууха байнат? бэшэгты, хамтаараа бури hонин байха.

Декабриин 10-hаа - 13 болотор Чайковскиин нэрэмжэтэ искусствын колледждо "мунгэн хун шубуун" гэhэн регионууд хоорондын эстрадна дуунуудай харалган унгэргэгдэхэ. Цырен Шойжонимаевай уусхэлээр эмхидхэгдэhэн энэ дуунай найр 4-дэхиеэ эмхидхэгдэбэ. Конкурсын гуримаар, эндэ заабал буряад дуунууд зэдэлхэ ёстой. Урда жэлнуудтэ шалгаран гараhан дуушад гэбэл, Захааминай Ирина Шагдурова, Ринчин Дашицыренов, Дугарма Цыренова, Цогтбаяр болон бусад болоно. Тугэсхэлэй наадан декабриин 13-да, биледэй сэн - 350 тухэриг. Бэлигтэй залуушуулай дундаhаа шэнэ нэрэнууд тодорхо бэзэ.

10.12.2013 - Шэнэ жэл болотор хорин нэгэн удэр. манай ажалайхид Шэнэ жэлэйнгээ программа театр соо буулгаа. Одото дуушаднай мэдээжэ зонтой дуугаа дуулалдаа. Эрдэни Раднаев (БГТРК) Митуп Шагдаровтай "урдаш олон харгы замууд" гээд дуулаа, болохоор, Билигма Ринчинова (опера) Эрдэм Жигжитовтэй (гл. тренер по стрельбе из лука Бурятии) Хунхэрэй "Жолоое ургэдэг Агамни" гэжэ айдхатай гое дуу дуулаа. Голковтон (мэрнай Улаан-Yлын) ехэ зохидоор урин налгайханаар хоюулаа дуулалдаа, хойнонь видеокадрнууд бури гоеор шэмэглээ. Айдаевнай "московские окна" дуулажа Сэсэгма Сандиповатай харагшадай аргагуй халуун альга ташалганда хуртоо. Наталья Борхонова "Патриоты России" алтан дэлхэйн жама ёhоор Данзан Бальжинимаевтай ялас гэмээр хангюурдаа даа. Энэ дамжуулга декабриин 31 гараха сэнхир экранаар. Гаража байhан Шэнэ жэлээр, ойртожол байна.

Япон хугжэмшэн - Томона Миядзаки Буряад орондо Буряадай гyрэнэй филармонида республикын соел урлалай колледжын оюутад, Мэрдыгеевой нэрэмжэтэ эдир уран зураашадай hургуулиин шабинар япон арадай хyгжэм шагнажа, энэ найруулгын аялга доро ямар мэдэрэл, hанал хyсэлнyyд тyрэhэн байhыень зураг дээрээ харуулха гэжэ туршаа. Иимэ тyхэлooр хyгжэм шагнажа, зураг зураха гэhэн уласхоорондын проект Япон хyгжэмшэн Томона Миядзаки 2006 онhоо эмхидхэн yнгэргэнэ. Олон тоото хари гyрэнyyдэй, Россин олон хотонуудай бэлигтэйшyyл энэ «Хyгжэм зуранабди» гэhэн проектдэ хабаадаhан байна. Энэ удаа Буряад ороной yхибyyд уран hайханай, хyгжэмтэ проектдэ хабаадажа, аялгата зурагуудаа зураба. Тyрyyлэн Томона Миядзаки тухай хэлэхэ болобол, Япон хyгжэмшэн Москвагай консерваторида hураhан, ород хэлэ яhала hайн мэдэхэ, Улаан-Yдэ хоердохиео ерэжэ байна. Тyрyyн Буряадай мэдээжэ «Намгар дуушантай ерэжэ. Концерт харуулhан байна. Тиихэдээ Забайкалиин хизаар, агын тойрог мyн лэ ошоhон байнаб гээд хyгжэмшэн хooрэнэ. Агууехэ yргэн тала хараhанаа мартахагyйб, адуу малынь эртyyр бэлшээридээ гараад, yдэшэлэн oohэдoo hooргoo бусадаг байhанииень ехэ гайхаа бэлэйб гээд хooрэнэ. Тиигэжэ мyнoo дахяад нарата Буряад орон ерээд байхадаа, ехэ баяртайб. Hолонгын yнгэнyyдтэл адли мэдэрэл сэдьхэлдэмни тyрэнэ гээд айлшан мэдyyлээ. Нэгэл энэ хyгжэмoo Томона Миядзаки бyхы тээ наададаг. Ямаршье гyрэнэй, элдэб наhанай yхибyyд энэ найруулгын нэрыень, зохеолой авторыеншье мэдэхэгyй, юрэ шагнажа, зурагаа зурана. Соел урлалай колледжын оюутан Соелма Балдоржиева япон аялга намарай шэнжэтэй хyгжэм гээд hанамжаяа мэдyyлээ. Yнэн дээрээ энэ уулзалгын yедэ япон арадай «Сакура» гээд нэрлэгдэhэн хyгжэм зэдэл. Тиибэшье юрэнхыдoo ямаршье аялга хyгжэм хyн бyхэндэ ooрын мэдэрэл yзyyлдэг, зураг хyгжэм хоер нэгэл эхитэй гээд филармониин дуушан байhан Дулма Пурбуева хэлэнэ. - Хун бyхэн зураг зурахадаа, hанаандаа ямар нэгэн дyрэ маяг hанаандаа оруулна, дуу дуулахадаа, баhал юрэ дуулагдана бэшэ, сэдьхэлэй hанал бодол дамжуулагдаха гэжэ оролдогдоно. Тиимэhээ зураг, хyгжэм гээшэ нэгэл эхитэй. Энэ проектдэ хабадааhан эдир бэлигтэйшyyлэй зураhан зурагууд удаань 2020 ондо Япондо yнгэргэдэхэ Олимпиин нааданда дэлгээгдэхэ тyсэбтэй. Тиимэhээ Буряад ороной yхибyyдэй зурагуудтай дэлхэйн ажаhуугшад танилсаха аргатай гэжэ найдамаар.

Доржи-Ханда Цынгуевагай ном гараа гээшэ гу? хэн мэдэнэб? Дуулгыт намда, ехэ хулеэнэб харюу.